ਗੁਜਰਾਤ ‘ਚ ਸਵਾਈਨ ਫਲੂ ਨਾਲ ਲੋਕਾਂ ਦਾ ਹਾਲ ਬੇਹਾਲ, 153 ਮੌਤ 1000 ਤੋਂ ਵਧ ਬੀਮਾਰ

ਅਹਿਮਦਾਬਾਦ : ਗੁਜਰਾਤ ‘ਚ ਬਾਰਸ਼ ਘੱਟ ਹੋਣ ਦੇ ਬਾਅਦ ਜਾਨਲੇਵਾ ਐਚ-1 ਐਨ-1 ਵਾਇਰਸ ਬਲਕਿ ਸਵਾਈਨ ਫਲੂ ਨਾਲ ਲੋਕਾਂ ਦਾ ਹਾਲ ਬੇਹਾਲ ਹੈ। ਅਹਿਮਦਾਬਾਦ, ਵਡੋਦਰਾ, ਰਾਜਕੋਟ, ਸੌਰਾਸ਼ਟਰ, ਕੱਛ ਸਮੇਤ ਕਈ ਸ਼ਹਿਰਾਂ ‘ਚ ਹਾਹਾਕਾਰ ਮਚੀ ਹੈ। ਅਹਿਮਦਾਬਾਦ ‘ਚ ਸੱਤ ਦਿਨ ‘ਚ 12, ਤਾਂ ਵਡੋਦਰਾ ਅਤੇ ਰਾਜਕੋਟ ‘ਚ 24 ਘੰਟਿਆਂ ‘ਚ 7 ਲੋਕਾਂ ਦੀ ਮੌਤ ਹੋ ਗਈ ਹੈ। ਪੂਰੇ ਪ੍ਰਦੇਸ਼ ‘ਚ ਇਸ ਬੀਮਾਰੀ ਨਾਲ ਮਰਨ ਵਾਲਿਆਂ ਦਾ ਆਂਕੜਾ 153 ਪਹੁੰਚ ਗਿਆ ਹੈ। 1000 ਤੋਂ ਵਧ ਮਰੀਜ਼ ਹਸਪਤਾਲ ‘ਚ ਇਲਾਜ ਕਰਵਾ ਰਹੇ ਹਨ।
ਸੂਬੇ ਦੇ ਸਿਹਤ ਮੰਤਰੀ ਸ਼ੰਕਰ ਚੌਧਰੀ ਨੇ ਸਥਿਤੀ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪ੍ਰਸ਼ਾਸਨ ਨੂੰ ਡੋਰ-ਟੂ ਡੋਰ ਸਰਵੇਖਣ ਕਰਨ ਦੇ ਆਦੇਸ਼ ਦਿੱਤੇ ਹਨ। ਕਈ ਸਰਕਾਰੀ ਹਸਪਤਾਲਾਂ ‘ਚ ਸਵਾਈਨ ਫਲੂ ਤੋਂ ਬਚਣ ਦੇ ਲਈ ਆਯੂਰਵੈਦਿਕ ਟੈਕਨੀਸ਼ੀਅਨ ਨੂੰ ਮੁਫਤ ਵੰਡਿਆ ਜਾ ਰਿਹਾ ਹੈ। ਸਿਹਤ ਵਿਭਾਗ ਦੇ ਮੁਤਾਬਕ ਇਸ ਵਾਰ ਸੌਰਾਸ਼ਟਰ ਅਤੇ ਰਾਜਕੋਟ ‘ਚ ਸਵਾਈਨ ਫਲੂ ਦਾ ਜ਼ੋਰ ਵਧ ਹੈ। ਹੁਣ ਤੱਕ 50 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਅਹਿਮਦਾਬਾਦ ‘ਚ ਪਿਛਲੇ ਸੱਤ ਦਿਨਾਂ ‘ਚ 245 ਮਾਮਲੇ ਦਰਜ ਹੋਏ ਹਨ।

ਸਰਕਾਰ ਸਵਾਈਨ ਫਲੂ ਦੇ ਰੋਕਥਾਮ ਦੇ ਲਈ ਭਿੰਨ ਪ੍ਰਕਾਰ ਦੀਆਂ ਤਿਆਰੀਆਂ ਕਰਨ ਦਾ ਦਾਅਵਾ ਕਰ ਰਹੀ ਹੈ। ਹਾਲਾਂਕਿ ਜਿਸ ਤਰ੍ਹਾਂ ਨਾਲ ਮਾਮਲੇ ਵਧ ਰਹੇ ਹਨ, ਇਹ ਦਾਅਵਾ ਗਲਤ ਸਾਬਤ ਹੋਇਆ ਹੈ। ਪ੍ਰਸ਼ਾਸਨ ਦੇ ਮੁਤਾਬਕ ਇਸ ਸਾਲ ਸੂਬੇ ‘ਚ ਸਵਾਈਲ ਫਲੂ ਦੀ ਸਥਿਤੀ ਚਿੰਤਾਜਨਕ ਹੈ। ਸਰਕਾਰੀ ਹਸਪਤਾਲਾਂ ‘ਚ ਸਵਾਈਨ ਫਲੂ ਦੇ ਮਰੀਜ਼ਾਂ ਦੇ ਲਈ ਆਈਸੋਲੇਸ਼ਨ ਵਾਰਡ ਦੀ ਸੁਵਿਧਾ ਕੀਤੀ ਗਈ ਹੈ।

ਸਿਹਤ ਵਿਭਾਗ ਦੇ ਵੱਲੋਂ ਜਾਰੀ ਆਂਕੜਿਆਂ ਦੇ ਮੁਤਾਬਕ ਇਸ ਸਾਲ ਸਵਾਈਨ ਫਲੂ ਨਾਲ 153 ਲੋਕਾਂ ਦੀ ਮੌਤ ਹੋਈ ਹੈ, ਜਿਸ ‘ਚ ਅਹਿਮਦਾਬਾਦ ‘ਚ 26, ਵਡੋਦਰਾ ‘ਚ 20, ਸੌਰਾਸ਼ਟਰ ਅਤੇ ਰਾਜਕੋਟ ‘ਚ 52, ਕੱਛ ‘ਚ 15, ਜਾਮਨਗਰ ‘ਚ 10, ਗੀਰ ਸੋਮਨਾਥ ਅਤੇ ਆਨੰਦ ‘ਚ ਤਿੰਨ ਲੋਕਾਂ ਦੀ ਮੌਤ ਹੋਈ ਹੈ।

Be the first to comment

Leave a Reply

Your email address will not be published.


*