ਚੀਫ ਜਸਟਿਸ ਜੇ.ਐਸ ਖੇਹਰ ਨੇ ਕਾਨੂੰਨ ਦੀ ਨਜ਼ਰਅੰਦਾਜ਼ੀ ਨੂੰ ਲੈ ਕੇ ਚਿੰਤਾ ਜਤਾਉਂਦੇ ਹੋਏ ਕਿਹਾ

ਨਵੀਂ ਦਿੱਲੀ— ਸੁਪਰੀਮ ਕੋਰਟ ਦੇ ਮੁੱਖ ਚੀਫ ਜਸਟਿਸ ਜੇ.ਐਸ ਖੇਹਰ ਨੇ ਕਾਨੂੰਨ ਦੀ ਨਜ਼ਰਅੰਦਾਜ਼ੀ ਨੂੰ ਲੈ ਕੇ ਚਿੰਤਾ ਜਤਾਉਂਦੇ ਹੋਏ ਕਿਹਾ ਕਿ ਹੁਣ ਕਾਨੂੰਨ ਤੋੜਣਾ ਅਤੇ ਕੋਰਟ ਦੀ ਅਪਮਾਨ ਕਰਨਾ ਹੌਲੀ-ਹੌਲੀ ਕਲਚਰ ਅਤੇ ਖੂਨ ‘ਚ ਆ ਗਿਆ ਹੈ। ਉਨ੍ਹਾਂ ਨੇ ਸੰਕੇਤ ਦਿੰਦੇ ਹੋਏ ਕਿਹਾ ਕਿ ਅਸੀਂ ਭਾਰਤੀ ਕਾਨੂੰਨ ਤੋੜਣਾ ਆਪਣੀ ਸ਼ਾਨ ਸਮਝਦੇ ਹਾਂ। ਜਸਟਿਸ ਨੇ ਇਹ ਗੱਲਾਂ 28 ਜੁਲਾਈ ਨੂੰ ਸੁਪਰੀਮ ਕੋਰਟ ‘ਚ ਇਕ ਸੁਣਵਾਈ ਦੌਰਾਨ ਕਹੀਆਂ। ਉਨ੍ਹਾਂ ਨੇ ਕਿਹਾ ਕਿ ਅਜਿਹਾ ਬਿਲਕੁੱਲ ਨਹੀਂ ਸਹਿ ਸਕਦੇ । ਜੇਕਰ ਤੁਸੀਂ ਇਕ ਤਰੱਕੀ ਵਾਲਾ ਦੇਸ਼ ਬਣਾਉਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕਾਨੂੰਨ ਦਾ ਪਾਲਣ ਕਰਨਾ ਹੋਵੇਗਾ। ਜੇਕਰ ਕਾਨੂੰਨ ਦਾ ਪਾਲਣ ਨਹੀਂ ਹੋਵੇਗਾ ਤਾਂ ਤੁਹਾਨੂੰ ਸਜਾ ਮਿਲੇਗੀ।
ਜਸਟਿਸ ਦਿੱਲੀ ਦੇ ਲਾਜਪਤ ਨਗਰ ‘ਚ ਇਕ ਇੰਸਟੀਚਿਊਟ ਦੇ ਹੈਡ ਦਿਨੇਸ਼ ਖੋਸਲਾ ਵੱਲੋਂ ਡਰ ਦੀ ਬਿਲਡਿੰਗ ਦਾ ਉਪਯੋਗ ਵਪਾਰਕ ਤੌਰ ‘ਤੇ ਕਰਨ ਦੇ ਮਾਮਲੇ ਦੀ ਸੁਣਵਾਈ ਕਰ ਰਹੇ ਸਨ, ਉਸੀ ਦੌਰਾਨ ਉਨ੍ਹਾਂ ਨੇ ਇਹ ਟਿੱਪਣੀ ਕੀਤੀ। ਉਨ੍ਹਾਂ ਦੀ ਇਸ ਟਿੱਪਣੀ ਨੂੰ 9000 ਕਰੋੜ ਰੁਪਏ ਦਾ ਕਰਜ਼ ਲੈ ਕੇ ਫਰਾਰ ਵਿਜੈ ਮਾਲਿਆ ਦੇ ਕੋਰਟ ਦਾ ਅਪਮਾਨ ਕਰਨ ਤੋਂ ਵੀ ਦੇਖਿਆ ਜਾ ਸਕਦਾ ਹੈ, ਮਾਲਿਆ ਨੇ ਕੋਰਟ ਦੇ ਆਦੇਸ਼ ਦੇ ਬਾਵਜੂਦ ਵੀ ਕੋਰਟ ‘ਚ ਪੇਸ਼ੀ ਨੂੰ ਵਾਰ-ਵਾਰ ਨਕਾਰਿਆ। ਜਸਟਿਸ ਖੇਹਰ ਦਾ ਕਾਰਜਕਾਲ 24 ਅਗਸਤ ਨੂੰ ਪੂਰਾ ਹੋ ਰਿਹਾ ਹੈ। ਉਨ੍ਹਾਂ ਨੇ ਦੇਸ਼ ਦੇ ਅਗਲੇ ਮੁੱਖ ਜਸਟਿਸ ਦੀ ਨਿਯੁਕਤੀ ਲਈ ਆਪਣੇ ਉਤਰਾਧਿਕਾਰੀ ਦੇ ਰੂਪ ‘ਚ ਜਸਟਿਸ ਦੀਪਕ ਮਿਸ਼ਰ ਦਾ ਨਾਮ ਪ੍ਰਸਤਾਵਿਤ ਕੀਤਾ ਹੈ।

Be the first to comment

Leave a Reply