ਨੀਦਰਲੈਂਡ ਦਾ ਵੈਨਿਸ ਕਿਹਾ ਜਾਣ ਵਾਲਾ ਇਕ ਅਜਿਹਾ ਹੀ ਸ਼ਹਿਰ ਹੈ ਗਿਏਥੂਰਨ, ਆਉਣ-ਜਾਣ ਲਈ ਸੜਕ ਨਹੀਂ

ਗਿਏਥੂਰਨ— ਜੇਕਰ ਕਿਸੇ ਸ਼ਹਿਰ ਵਿਚ ਆਉਣ-ਜਾਣ ਲਈ ਸੜਕ ਨਾਂ ਹੋਵੇ ਤਾਂ ਤੁਸੀ ਕੀ ਕਰੋਗੇ। ਇਸ ਦਾ ਜਵਾਬ ਹੈ ਨਹਿਰਾਂ ਤੋਂ ਕੰਮ ਲਿਆ ਜਾਵੇਗਾ। ਨੀਦਰਲੈਂਡ ਦਾ ਵੈਨਿਸ ਕਿਹਾ ਜਾਣ ਵਾਲਾ ਇਕ ਅਜਿਹਾ ਹੀ ਸ਼ਹਿਰ ਹੈ ਗਿਏਥੂਰਨ (Giethoorn), ਜਿੱਥੇ 2,600 ਲੋਕ ਰਹਿੰਦੇ ਹਨ। ਇੱਥੇ ਹਰ ਜਗ੍ਹਾ ਆਉਣ-ਜਾਣ ਲਈ ਸੜਕ ਨਹੀਂ ਸਗੋਂ ਨਹਿਰਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਦੂਰ-ਦੂਰ ਤੱਕ ਫੈਲੇ ਹੋਏ ਖੇਤਾਂ ਨੂੰ 176 ਲੱਕੜੀ ਨਾਲ ਬਣੇ ਬ੍ਰਿਜ ਨਾਲ ਜੋੜਿਆ ਗਿਆ ਹੈ। ਇਸ ਖੂਬਸੂਰਤ ਜਗ੍ਹਾ ਨੂੰ ਦੇਖਣ ਲਈ ਹਰ ਸਾਲ ਸੈਲਾਨੀਆਂ ਦੀ ਭਾਰੀ ਭੀੜ ਰਹਿੰਦੀ ਹੈ। ਸੈਲਾਨੀਆਂ ਨੂੰ ਆਪਣੇ ਵਾਹਨ ਇਸ ਜਗ੍ਹਾ ਤੋਂ ਬਾਹਰ ਰੱਖਣ ਦੀ ਹਿਦਾਇਤ ਦਿੱਤੀ ਜਾਂਦੀ ਹੈ ਅਤੇ ਸੈਲਾਨੀ ਖੂਬਸੂਰਤ ਕਿਸ਼ਤੀਆਂ ਨਾਲ ਪੂਰੇ ਸ਼ਹਿਰ ਵਿਚ ਘੁੰਮਦੇ ਹਨ।
ਗਿਏਥੂਰਨ ਦੀ ਖੋਜ 18ਵੀ ਸ਼ਤਾਬਦੀ ਵਿਚ ਹੋਈ। ਇੱਥੇ ਜੋ ਲੋਕ ਆਈਸ ਸਕੇਟਿੰਗ ਕਰਨਾ ਚਾਹੁੰਦੇ ਹਨ ਉਨ੍ਹਾਂ ਦੇ ਲਈ ਠੰਡ ਵਿਚ ਆਉਣਾ ਸਹੀ ਹੈ। ਇੱਥੇ ਆਉਣ ਵਾਲੇ ਟੂਰਿਸਟ ਦੀ ਵਧਦੀ ਗਿਣਤੀ ਨੂੰ ਦੇਖਦੇ ਹੋਏ ਕਈ ਹੋਟਲਸ ਅਤੇ ਰੈਸਟੋਰੈਂਟ ਬਣਾਏ ਗਏ ਹਨ। ਇਸ ਜਗ੍ਹਾ ਕੰਮ ਕਰਨ ਵਾਲਾ ਡਾਕੀਆ ਵੀ ਆਪਣੀ ਡਾਕ ਕਿਸ਼ਤੀ ਜ਼ਰੀਏ ਹੀ ਵੰਡਦਾ ਹੈ। ਕਾਰ ਅਤੇ ਬਾਇਕ ਦੇ ਰੌਲੇ ਤੋਂ ਦੂਰ ਇਹ ਜਗ੍ਹਾ ਸੈਲਾਨੀਆਂ ਦੇ ਖਿੱਚ ਦਾ ਵਿਸ਼ੇਸ਼ ਕੇਂਦਰ ਹੈ।
18ਵੀ ਸ਼ਤਾਬਦੀ ਵਿਚ ਜਦੋਂ ਲੋਕ ਇੱਥੇ ਰਹਿਣ ਆਏ ਉਦੋਂ ਉਨ੍ਹਾਂ ਨੇ ਦੇਖਿਆ ਕਿ ਹੜ੍ਹ ਕਾਰਨ ਇੱਥੇ ਜਗ੍ਹਾ-ਜਗ੍ਹਾ ਉੱਤੇ ਦਲਦਲੀ ਮਿੱਟੀ ਫੈਲੀ ਹੋਈ ਹੈ। ਲੋਕਾਂ ਨੇ ਇਸ ਮਿੱਟੀ ਦੀ ਉਪਯੋਗਿਤਾ ਨੂੰ ਸੱਮਝਿਆ ਅਤੇ ਖੁਦਾਈ ਕਰਨੀ ਸ਼ੁਰੂ ਕੀਤੀ। ਕਈ ਸਾਲਾਂ ਤੱਕ ਜਦੋਂ ਖੁਦਾਈ ਦਾ ਕੰਮ ਜਾਰੀ ਰਿਹਾ ਤਾਂ ਜਗ੍ਹਾ-ਜਗ੍ਹਾ ਨਹਿਰਾਂ ਬਣ ਗਈਆਂ। ਬਾਅਦ ਵਿਚ ਇਹੀ ਨਹਿਰਾਂ ਇਕ ਜਗ੍ਹਾ ਤੋਂ ਦੂਜੀ ਜਗ੍ਹਾ ਆਉਣ-ਜਾਣ ਦੇ ਕੰਮ ਆਈਆਂ।

Be the first to comment

Leave a Reply

Your email address will not be published.


*