ਦਿਵਯ ਜਯੋਤੀ ਜਾਗ੍ਰਿਤੀ ਸੰਸਥਾਨ ਵੱਲੋਂ ਰਾਮ ਮੰਦਰ, ਸ਼ਿਵਾਲਾ ਬਾਗ ਭਾਈਆ,ਬਟਾਲਾ ਰੋਡ, ਅੰਮ੍ਰਿਤਸਰ ਵਿੱਚ ਸਤਿਸੰਗ ਪ੍ਰੋਗਰਾਮ ਦਾ ਆਯੋਜਨ ਕਰਵਾਇਆ ਗਿਆ। ਇਸ ਸਤਸੰਗ ਵਿੱਚ ਸਾਧਵੀ ਬਿੰਦੂ ਭਾਰਤੀ ਜੀ ਨੇ ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਦੀਆਂ ਆਤਮਿਕ ਸਿੱਖਿਆਵਾਂ ਦੇ ਆਧਾਰ ‘ਤੇ “ਅੰਤਰਗਿਆਨ ਅਤੇ ਆਤਮ-ਸੰਵਾਦ” ਵਿਸ਼ੇ ‘ਤੇ ਪ੍ਰਵਚਨ ਦਿੱਤੇ। ਉਨ੍ਹਾਂ ਨੇ ਕਿਹਾ ਕਿ ਆਤਮਾ ਨਾਲ ਜੁੜਨਾ ਕਿਸੇ ਬਾਹਰੀ ਸਾਧਨ ਰਾਹੀਂ ਨਹੀਂ, ਸਗੋਂ ਅੰਦਰਲੀ ਗਹਿਰਾਈ ਵਿੱਚ ਉਤਰ ਕੇ ਹੀ ਸੰਭਵ ਹੈ। ਜਦੋਂ ਮਨੁੱਖ ਆਪਣੇ ਆਪ ਨਾਲ ਗੱਲ ਕਰਨਾ ਸਿੱਖ ਜਾਂਦਾ ਹੈ, ਤਦੋਂ ਉਹ ਪਰਮਾਤਮਾ ਦੀ ਅਸਲੀ ਅਨੁਭੂਤੀ ਕਰ ਸਕਦਾ ਹੈ।ਸਾਧਵੀ ਜੀ ਨੇ ਕਿਹਾ, “ਅੱਜ ਦਾ ਯੁੱਗ ਸਾਨੂੰ ਬਾਹਰਲੀ ਦੁਨੀਆ ਵਿੱਚ ਵਿਅਸਤ ਰੱਖਦਾ ਹੈ, ਪਰ ਸੱਚੀ ਸ਼ਾਂਤੀ ਅਤੇ ਆਨੰਦ ਅੰਦਰਲੇ ਮੌਨ ਵਿੱਚ ਲੁਕੇ ਹੋਏ ਹਨ। ਸਤਸੰਗ ਦਾ ਮਕਸਦ ਕੇਵਲ ਸੁਣਨਾ ਨਹੀਂ, ਸਗੋਂ ਆਪਣੇ ਆਪ ਨੂੰ ਜਾਣਨ ਵੱਲ ਇੱਕ ਕਦਮ ਵਧਾਉਣਾ ਹੈ।”ਉਨ੍ਹਾਂ ਨੇ ਇਹ ਵੀ ਉਚਾਰਨ ਕੀਤਾ ਕਿ ਜਦੋਂ ਵਿਅਕਤੀ ਦਾ ਅੰਤਰ ਮਨ ਨਿਰਮਲ ਹੁੰਦਾ ਹੈ, ਤਦੋਂ ਹੀ ਉਸ ਵਿੱਚ ਦਿਵਯਤਾ ਉਤਰਦੀ ਹੈ। ਸਤਸੰਗ ਅਤੇ ਸਾਧਨਾ ਆਤਮਾ ਨੂੰ ਉਸੇ ਨਿਰਮਲਤਾ ਵੱਲ ਲੈ ਜਾਂਦੇ ਹਨ। ਉਨ੍ਹਾਂ ਨੇ ਸੰਤ ਕਬੀਰ ਦੇ ਦੋਹਿਆਂ ਰਾਹੀਂ ਇਹ ਸਮਝਾਇਆ ਕਿ ਪਰਮਾਤਮਾ ਦੀ ਪ੍ਰਾਪਤੀ ਕਿਸੇ ਖਾਸ ਥਾਂ ਜਾਂ ਵਿਧੀ ਰਾਹੀਂ ਨਹੀਂ, ਸਗੋਂ ਆਪਣੇ ਅੰਦਰ ਦੀ ਯਾਤਰਾ ਰਾਹੀਂ ਹੁੰਦੀ ਹੈ।
ਇਸ ਸਮਾਗਮ ਵਿੱਚ ਭਜਨਾਂ ਦੀ ਮਿਠੀ ਪ੍ਰਸਤੁਤੀ ਨੇ ਸਾਰੇ ਮਾਹੌਲ ਨੂੰ ਪੂਰਨ ਤੌਰ ‘ਤੇ ਆਤਮਿਕ ਬਣਾ ਦਿੱਤਾ। ਭਗਤੀ ਦੀ ਗੂੰਜ, ਗਾਇਨ ਦੀ ਲੈਅ ਅਤੇ ਸ਼ਰਧਾ ਦੀ ਭਾਵਨਾ ਨੇ ਹਾਜ਼ਰ ਸਾਰੇ ਸਾਧਕਾਂ ਦੇ ਦਿਲ ਛੂ ਲਏ। ਕਈ ਭਗਤਾਂ ਨੇ ਆਪਣੇ ਅਨੁਭਵ ਸਾਂਝੇ ਕਰਦਿਆਂ ਕਿਹਾ ਕਿ ਇਸ ਸਤਸੰਗ ਨੇ ਉਨ੍ਹਾਂ ਨੂੰ ਇੱਕ ਨਵੀਂ ਊਰਜਾ, ਸਪਸ਼ਟਤਾ ਅਤੇ ਆਤਮਿਕ ਸ਼ਾਂਤੀ ਦਾ ਅਨੁਭਵ ਕਰਵਾਇਆ।ਇਹ ਸਤਸੰਗ ਕੇਵਲ ਇੱਕ ਧਾਰਮਿਕ ਸਮਾਰੋਹ ਨਹੀਂ ਸੀ, ਸਗੋਂ ਆਤਮਿਕ ਉਤਸ਼ਾਰ ਦੀ ਇੱਕ ਜੀਵੰਤ ਅਨੁਭੂਤੀ ਸੀ, ਜਿਸ ਨੇ ਹਰ ਇਕ ਨੂੰ ਆਪਣੇ ਅੰਦਰ ਝਾਕਣ ਅਤੇ ਪਰਮਾਤਮਾ ਨਾਲ ਜੁੜਨ ਦੀ ਪ੍ਰੇਰਣਾ ਦਿੱਤੀ।
