ਪੰਜਾਬੀ ਭਾਈਚਾਰੇ ਤੇ ਸਮਾਜ ਦੀ ਸੇਵਾ ਨੂੰ ਸਮਰਪਿਤ ‘ਸਾਂਝੀ ਸੋਚ’ ਅਖ਼ਬਾਰ
‘ਸਾਂਝੀ ਸੋਚ’ ਅਖ਼ਬਾਰ ਪਿਛਲੇ 8 ਸਾਲਾਂ ਤੋਂ ਪੰਜਾਬੀ ਸਮਾਜ ਤੇ ਹੋਰ ਲੋਕਾਂ ਦੀ ਭਲਾਈ ਲਈ ਕੰਮ ਕਰਦਾ ਆ ਰਿਹਾ ਹੈ। ਉਸ ਨੇ ਕਦੇ ਵੀ ਆਪਣੇ ਨਿੱਜੀ ਹਿੱਤਾਂ ਨੂੰ ਪਹਿਲ ਨਹੀਂ ਦਿੱਤੀ ਤੇ ਹਮੇਸ਼ਾਂ ਉਨ੍ਹਾਂ ਲੋਕਾਂ ਖਿਲਾਫ਼ ਬੇਖੌਫ਼ ਹੋ ਕੇ ਆਵਾਜ਼ ਉਠਾਈ ਹੈ ਜੋ ਪੰਜਾਬੀਆਂ ਤੇ ਖਾਸ ਕਰਕੇ ਸਿੱਖਾਂ ਨੂੰ ਆਪਣੇ ਸਵਾਰਥ ਲਈ ਵਰਤਣਾ ਚਹੁੰਦੇ ਹਨ। ਅਜਿਹਾ ਕਰਦਿਆਂ ਭਾਵੇਂ ਅਖ਼ਬਾਰ ਨੂੰ ਆਰਥਕ ਨੁਕਸਾਨ ਵੀ ਉਠਾਉਣਾ ਪਿਆ ਹੈ ਪਰ ਉਹ ਆਪਣੇ ਅਸੂਲਾਂ ਤੋਂ ਕਦੇ ਨਹੀਂ ਥਿੜਕਿਆ। ‘ਸਾਂਝੀ ਸੋਚ’ ਅਦਾਰਾ ਚਹੁੰਦਾ ਹੈ ਕਿ ਪੰਜਾਬੀ ਤਰੱਕੀਆਂ ਕਰਨ। ਪੰਜਾਬੀ ਸਮਾਜ ਤੇ ਪੰਜਾਬੀ ਸਭਿਆਚਾਰ ਦਾ ਵਿਕਾਸ ਹੋਵੇ ਪਰ ਅਜਿਹਾ ਕਰਦਿਆਂ ਆਪਣੇ ਅਸੂਲਾਂ ਤੇ ਸਿਧਾਂਤ ਨੂੰ ਨਾ ਵਿਸਾਰਿਆ ਜਾਵੇ। ਇਸ ਮਕਸਦ ਲਈ ਉਹ ਨਿਰੰਤਰ ਕੰਮ ਕਰਦਾ ਆ ਰਿਹਾ ਹੈ। ਅਖ਼ਬਾਰ ਵਿਚ ਮਿਆਰੀ ਸਮੱਗਰੀ ਹੀ ਛਾਪੀ ਜਾਂਦੀ ਹੈ। ਅਸ਼ਲੀਲਤਾ ਨੂੰ ਨੇੜੇ ਨਹੀਂ ਢੁੱਕਣ ਦਿੱਤਾ ਜਾਂਦਾ।
