ਸਿਹਤ ਮੰਤਰੀ ਜੀ ਅਵਾਰਾ ਪਸੂਆ ਅਤੇ ਕੁੱਤਿਆ ਲਈ ਕੋਈ ਠੋਸ ਸਕੀਮ ਬਣਾਓ ਬਹੁਤ ਅਫਸੋਸ ਹੈ ਸਰਕਾਰੀ ਰੋਕਥਾਮ ਦੇ ਸਾਰੇ ਯਤਨ ਫਾਈਲਾ ਤੱਕ ਸੀਮਤ – ਸਿੱਧੂ
ਬਰਨਾਲਾ , 19 ਅਗਸਤ 2025
ਅਗਸਤ ਅਵਾਰਾ ਪਸੂ ਅਤੇ ਕੁੱਤੇ ਧੱਜੀਆਂ ਉਡਾ ਰਹੇ ਹਨ ਸਵੱਛ ਭਾਰਤ ਦੀਆ 1054 ਕਰੋੜ ਰੁਪਏ ਕੇਦਰ ਸਰਕਾਰ ਨੇ ਪੰਜਾਬ ਨੂੰ ਅਲਾਟ ਕੀਤੇ ਸਨ ਪਰ ਅਵਾਰਾ ਪਸੂ ਅਤੇ ਕੁੱਤੇ ਸੜਕਾਂ ਤੇ ਗੰਦ ਪਾਉਣ ਦੀ ਕੋਈ ਕਸਰ ਬਾਕੀ ਨਹੀਂ ਛਡਦੇ ਅਤੇ ਬਹੁਤ ਹੀ ਅਫਸੋਸ ਦੀ ਗੱਲ ਹੈ ਸਿਹਤ ਮੰਤਰੀ ਜੀ ਇਹ ਗੱਲ ਮੈ ਤੁਹਾਡੇ ਧਿਆਨ ਵਿੱਚ ਲਿਆਉਣਾ ਚਾਹੁੰਦਾ ਹਾਂ ਕਿ ਸਰਕਾਰੀ ਦਫਤਰਾਂ ਵਿੱਚ ਇਹਨਾਂ ਅਵਾਰਾ ਪਸੂਆ ਅਤੇ ਕੁੱਤਿਆ ਦੀ ਰੋਕਥਾਮ ਲਈ ਬਣੀਆਂ ਸਮੂਹ ਸਕੀਮਾਂ ਫਾਇਲਾ ਤੱਕ ਹੀ ਸੀਮਤ ਹਨ ਗਰਾਊਂਡ ਤੇ ਕੰਮ ਨਹੀਂ ਹੋ ਰਿਹਾ ਇਹ ਵਿਚਾਰ ਪ੍ਰੈਸ ਨੋਟ ਜਾਰੀ ਕਰਕੇ ਭਾਜਪਾ ਹਲਕਾ ਇੰਚਾਰਜ ਭਦੌੜ ਕੈਪਟਨ ਗੁਰਜਿੰਦਰ ਸਿੰਘ ਸਿੱਧੂ ਨੇ ਕਿਹਾ ਕਿ ਪੰਜਾਬ ਵਿੱਚ ਆਵਾਰਾ ਕੁੱਤਿਆਂ ਦੀ ਗਿਣਤੀ ਤਿੰਨ ਲੱਖ ਤੋਂ ਵੱਧ ਹੈ ਅਤੇ ਇਹ ਗਿਣਤੀ ਦਿਨ ਦੁੱਗਣੀ ਅਤੇ ਰਾਤ ਚੋਗਣੀ ਤਰੱਕੀ ਕਰ ਰਹੀ ਹੈ ਕਿਉਕਿ ਸਾਲ ਵਿੱਚ ਦੋ ਵਾਰ ਕੁਤੀ ਬੱਚੇ ਦੇਦੀ ਹੈ ਜਿੰਨਾ ਦੀ ਗਿਣਤੀ 6 ਤੋ 12 ਬੱਚੇ ਹੁੰਦੀ ਹੈ।ਸਿੱਧੂ ਨੇ ਦੱਸਿਆ ਕਿ ਸੱਭ ਤੋਂ ਮਾੜਾ ਪੱਖ ਇਹ ਹੈ ਕਿ ਇਹ ਅਵਾਰਾ ਕੁੱਤੇ ਰਾਹ ਜਾਦੇ ਲੋਕਾ ਨੂੰ ਕੱਟ ਦਿੰਦੇ ਹਨ ਇਕੱਲੇ ਪੰਜਾਬ ਵਿੱਚ ਇਸ ਸਾਲ ਹੁਣ ਤੱਕ 1.88 ਲੱਖ ਲੋਕਾਂ ਨੂੰ ਅਵਾਰਾ ਕੁੱਤਿਆ ਨੇ ਵਢ ਲਿਆ ਅਤੇ ਇਹਨਾਂ ਅਵਾਰਾ ਕੁੱਤਿਆ ਅਤੇ ਪਸੂਆ ਕਾਰਣ ਰੋਜ ਸੜਕਾਂ ਤੇ ਐਕਸੀਡੈਂਟ ਵਾਪਰਦੇ ਹਨ ਅਤੇ ਬਹੁਤ ਲੋਕਾ ਨੂੰ ਆਪਣੀਆਂ ਕੀਮਤੀ ਜਾਨਾਂ ਤੋਂ ਹੱਥ ਧੋਣੇ ਪੈਂਦੇ ਹਨ। ਮੈ ਪੰਜਾਬ ਸਰਕਾਰ ਤੋ ਪੁਰਜੋਰ ਮੰਗ ਕਰਦਾ ਹਾ ਇਹਨਾਂ ਅਵਾਰਾ ਕੁੱਤਿਆ ਅਤੇ ਪਸੂਆ ਨੂੰ ਫੜ ਕੇ ਸੇਲਟਰ ਹੋਮਸ ਵਿੱਚ ਪਾਇਆ ਜਾਵੇ ਅਤੇ ਲੋਕਾ ਨੂੰ ਨਿਜਾਤ ਦਿਵਾਈ ਜਾਵੇ ਅਤੇ ਇਹਨਾਂ ਅਵਾਰਾ ਜਾਨਵਰਾਂ ਦੀ ਨਸਬੰਦੀ ਲਈ ਠੋਸ ਉਪਰਾਲੇ ਕੀਤੇ ਜਾਣ ਤਾਕਿ ਇਹਨਾਂ ਦੀ ਗਿਣਤੀ ਵਿੱਚ ਵਾਧਾ ਨਾ ਹੋਵੇ।
