ਚੋਹਲਾ ਸਾਹਿਬ ਵਿਖੇ ਭਲਕੇ ਸ਼ਰਧਾਪੂਰਵਕ ਮਨਾਈ ਜਾਵੇਗੀ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ
ਰਾਕੇਸ਼ ਨਈਅਰ
ਚੋਹਲਾ ਸਾਹਿਬ/ਤਰਨਤਾਰਨ,22 ਅਗਸਤ
ਕਸਬਾ ਚੋਹਲਾ ਸਾਹਿਬ ਦੇ ਪੁਰਾਤਨ ਸ਼ਿਵ ਮੰਦਰ ਵਿਖੇ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਦਾ ਤਿਉਹਾਰ 26 ਅਗਸਤ ਸੋਮਵਾਰ ਨੂੰ ਮੰਦਰ ਪ੍ਰਬੰਧਕ ਕਮੇਟੀ ਵਲੋਂ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਬੜੀ ਸ਼ਰਧਾਪੂਰਵਕ ਅਤੇ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ।ਇਸ ਸਬੰਧੀ ਮੰਦਰ ਪ੍ਰਬੰਧਕ ਕਮੇਟੀ ਦੀ ਹੋਈ ਮੀਟਿੰਗ ਉਪਰੰਤ ਪ੍ਰਧਾਨ ਵਿਜੇ ਕੁਮਾਰ ਕੁੰਦਰਾ,ਕੈਸ਼ੀਅਰ ਸ਼ਿਵ ਨਰਾਇਣ ਸ਼ੰਭੂ,ਰਾਜਨ ਕੁੰਦਰਾ ਅਤੇ ਪੰਡਿਤ ਕੁੰਦਨ ਨੇ ਦੱਸਿਆ ਕਿ 26 ਅਗਸਤ ਸੋਮਵਾਰ ਨੂੰ ਸਵੇਰੇ ਤੋਂ ਮੰਦਰ ਵਿੱਚ ਭਗਵਾਨ ਸ਼੍ਰੀ ਕ੍ਰਿਸ਼ਨ ਜੀ ਦੀ ਮਹਿਮਾ ਦਾ ਗੁਣਗਾਨ ਹੋਵੇਗਾ।ਇਸ ਦਿਨ ਸਵੇਰ ਵੇਲੇ ਚਾਹ-ਪਕੌੜਿਆਂ ਤੋਂ ਇਲਾਵਾ ਸਾਰਾ ਦਿਨ ਵੱਖ-ਵੱਖ ਪਕਵਾਨਾਂ ਦੇ ਲੰਗਰ ਦਾ ਅਤੁੱਟ ਭੰਡਾਰਾ ਵਰਤਾਇਆ ਜਾਵੇਗਾ।ਰਾਤ ਨੂੰ ਕਪੂਰਥਲਾ ਦੀ ਮਸ਼ਹੂਰ ਭੱਲਾ ਐਂਡ ਪਾਰਟੀ ਵਲੋਂ ਜਾਗਰਣ ਕੀਤਾ ਜਾਵੇਗਾ।ਇਸ ਮੌਕੇ ਮੰਦਰ ਕਮੇਟੀ ਦੇ ਸਰਪ੍ਰਸਤ ਪਰਮਜੀਤ ਜੋਸ਼ੀ,ਰਕੇਸ਼ ਕੁਮਾਰ ਅਨੰਦ,ਰਮਨ ਧੀਰ,ਅਮਿਤ ਕੁਮਾਰ ਪ੍ਰਧਾਨ,ਰਕੇਸ ਕੁਮਾਰ ਬਿੱਲਾ,ਪ੍ਰਦੀਪ ਹੈਪੀ,ਤਰਸੇਮ ਨਈਅਰ,ਬਬਲੀ ਸ਼ਾਹ,ਸੁਰਿੰਦਰ ਕੁਮਾਰ ਕੁੰਦਰਾ,ਰਾਹੁਲ ਧੀਰ,ਚੰਦਰ ਮੋਹਨ ਲਾਲੀ,ਪ੍ਰਿਆਂਸੂ ਨਈਅਰ,ਜਵਾਹਰ ਕੁਮਾਰ,ਸੁਰਜੀਤ ਲਾਲ ਰਾਹੀਂ,ਅਸ਼ਵਨੀ ਅਨੰਦ,ਦੀਪੂ,ਰਾਜੂ,ਨਰੇਸ਼ ਕੁਮਾਰ,ਸੋਨੂੰ ਚਾਵਲਾ,ਕਰਨ ਕੁਮਾਰ, ਦੀਪਕ,ਧਰੁਵ,ਨੈਤਿਕ,ਰਵੀ ਕੁਮਾਰ,ਸੁਰਿੰਦਰ ਭਗਤ,ਪ੍ਰਵੀਨ ਕੁਮਾਰ ਮੈਂਬਰ ਪੰਚਾਇਤ, ਅਸ਼ਵਨੀ ਕੁਮਾਰ ਰਾਜੂ ਆਦਿ ਭਗਤ ਹਾਜ਼ਰ ਸਨ।
