Mobile Tracker App: ਬੱਸ ਇਹ ਐਪ ਮੋਬਾਈਲ ‘ਚ ਕਰੋ ਇੰਸਟਾਲ, ਚੋਰ ਵੀ ਤੁਹਾਡਾ ਫੋਨ ਚੋਰੀ ਕਰਨ ਤੋਂ ਡਰਨਗੇ

0
290

Mobile Tracker: ਦੁਨੀਆ ਵਿੱਚ ਮੋਬਾਈਲ ਉਪਭੋਗਤਾਵਾਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਹੁਣ ਮੋਬਾਈਲ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ ਦਾ ਜ਼ਰੂਰੀ ਹਿੱਸਾ ਬਣ ਗਿਆ ਹੈ। ਇਸ ਦੇ ਜ਼ਰੀਏ ਵਾਇਸ ਕਾਲਿੰਗ, ਵੀਡੀਓ ਕਾਲਿੰਗ ਅਤੇ ਮੈਸੇਜ ਤੋਂ ਲੈ ਕੇ ਈ-ਮੇਲ ਤੱਕ ਦੀਆਂ ਸੁਵਿਧਾਵਾਂ ਉਪਲਬਧ ਹਨ। ਨਾਲ ਹੀ, ਹੁਣ ਈ-ਪੇਮੈਂਟ ਦੇ ਵਿਕਲਪ ਕਾਰਨ, ਨਕਦ ਰੱਖਣ ਦੀ ਬਜਾਏ ਮੋਬਾਈਲ ਵਾਲੇਟ ਦੀ ਵਰਤੋਂ ਕਰਨਾ ਆਮ ਹੋ ਗਿਆ ਹੈ, ਪਰ ਸਮੱਸਿਆ ਉਦੋਂ ਆਉਂਦੀ ਹੈ ਜਦੋਂ ਤੁਹਾਡਾ ਇਹ ਮਲਟੀਪਰਪਜ਼ ਡਿਵਾਈਸ ਯਾਨੀ ਮੋਬਾਈਲ ਗੁੰਮ ਜਾਂ ਚੋਰੀ ਹੋ ਜਾਂਦਾ ਹੈ। ਪਰ ਅਸੀਂ ਤੁਹਾਨੂੰ ਕੁਝ ਟਿਪਸ ਦੱਸਣ ਜਾ ਰਹੇ ਹਾਂ, ਜਿਸ ਨਾਲ ਤੁਸੀਂ ਆਪਣਾ ਗੁਆਚਿਆ ਫੋਨ ਆਸਾਨੀ ਨਾਲ ਲੱਭ ਸਕਦੇ ਹੋ।

ਜੇਕਰ ਤੁਹਾਡਾ ਮੋਬਾਈਲ ਚੋਰੀ ਜਾਂ ਗੁੰਮ ਹੋ ਜਾਂਦਾ ਹੈ ਤਾਂ ਸਭ ਤੋਂ ਪਹਿਲਾਂ ਆਪਣੇ ਮੋਬਾਈਲ ਦੀ ਸੂਚਨਾ ਪੁਲਿਸ ਨੂੰ ਦਿਓ। ਤਾਂ ਜੋ ਜੇਕਰ ਤੁਹਾਡੇ ਮੋਬਾਈਲ ਦੀ ਕਿਸੇ ਵੀ ਤਰ੍ਹਾਂ ਦੁਰਵਰਤੋਂ ਹੁੰਦੀ ਹੈ ਤਾਂ ਤੁਸੀਂ ਪੁਲਿਸ ਦੀ ਕਾਰਵਾਈ ਤੋਂ ਬਚ ਸਕੋ। ਜਦੋਂ ਮੋਬਾਈਲ ਚਾਲੂ (on) ਹੁੰਦਾ ਹੈ, ਤਾਂ ਇਸ ਨੂੰ ਟਰੈਕ ਕਰਨ ਲਈ ਘੱਟ ਮਿਹਨਤ ਕਰਨੀ ਪੈਂਦੀ ਹੈ। ਜਦੋਂ ਕਿ ਮੋਬਾਈਲ ਬੰਦ (off) ਹੋਣ ਦੀ ਸਥਿਤੀ ਵਿੱਚ ਇਸ ਨੂੰ ਟਰੈਕ ਕਰਨਾ ਥੋੜ੍ਹਾ ਮੁਸ਼ਕਲ ਹੈ। ਹਾਲਾਂਕਿ, ਹੁਣ ਐਂਡ੍ਰਾਇਡ ਸਮਾਰਟਫੋਨਸ ਲਈ ਪਲੇ ਸਟੋਰ ‘ਚ ਕਈ ਅਜਿਹੇ ਐਪਸ ਮੌਜੂਦ ਹਨ, ਜਿਨ੍ਹਾਂ ਦੇ ਜ਼ਰੀਏ ਤੁਸੀਂ ਮੋਬਾਇਲ ਨੂੰ ਬੰਦ ਹੋਣ ‘ਤੇ ਵੀ ਟ੍ਰੈਕ ਕਰ ਸਕਦੇ ਹੋ।

ਇਹ ਮੋਬਾਈਲ ਟਰੈਕਿੰਗ ਐਪ ਗੂਗਲ ਪਲੇ ਸਟੋਰ ‘ਤੇ ਬਹੁਤ ਵਧੀਆ ਰੇਟਿੰਗਾਂ ਨਾਲ ਉਪਲਬਧ ਹੈ। ਇਸ ਨੂੰ ਆਸਾਨੀ ਨਾਲ ਮੋਬਾਈਲ ‘ਤੇ ਡਾਊਨਲੋਡ ਅਤੇ ਇੰਸਟਾਲ ਕੀਤਾ ਜਾ ਸਕਦਾ ਹੈ। ਇਸ ਐਪ ਨੂੰ ਇੰਸਟਾਲ ਕਰਦੇ ਸਮੇਂ, ਕੁਝ ਜ਼ਰੂਰੀ ਪਰਮਿਸ਼ਨ  ਨੂੰ ON ਕਰੋ। ਇਸ ਐਪ ਵਿੱਚ ਡਮੀ ਸਵਿੱਚ ਆਫ ਅਤੇ ਫਲਾਈਟ ਮੋਡ ਫੀਚਰ ਨੂੰ ਚਾਲੂ ਰੱਖੋ। ਇਸ ਨੂੰ ਚਾਲੂ ਕਰਨ ਤੋਂ ਬਾਅਦ ਵੀ ਮੋਬਾਈਲ ਬੰਦ ਨਹੀਂ ਹੁੰਦਾ, ਪਰ ਚੋਰੀ ਕਰਨ ਵਾਲੇ ਨੂੰ ਲੱਗੇਗਾ ਕਿ ਮੋਬਾਈਲ ਬੰਦ ਹੋ ਗਿਆ ਹੈ। ਜੋ ਤੁਹਾਡੇ ਲਈ ਟਰੈਕ ਕਰਨਾ ਆਸਾਨ ਬਣਾ ਦੇਵੇਗਾ। ਮੋਬਾਈਲ ਵਿੱਚ ਇਸ ਐਪ ਦੀ ਮੌਜੂਦਗੀ ਕਾਰਨ ਮੋਬਾਈਲ ਲਾਈਵ ਲੋਕੇਸ਼ਨ ਅਤੇ ਫਰੰਟ ਕੈਮਰੇ ਤੋਂ ਫੋਟੋ ਕਲਿੱਕ ਕਰਕੇ ਤੁਹਾਨੂੰ ਭੇਜਦਾ ਰਹੇਗਾ, ਤਾਂ ਜੋ ਚੋਰ ਨੂੰ ਆਸਾਨੀ ਨਾਲ ਫੜਿਆ ਜਾ ਸਕੇ।

LEAVE A REPLY

Please enter your comment!
Please enter your name here