PM Modi Turban On Republic Day : 74ਵੇਂ ਗਣਤੰਤਰ ਦਿਵਸ ਦੇ ਮੌਕੇ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤ ਦੀ ਵਿਭਿੰਨਤਾ ਨੂੰ ਦਰਸਾਉਂਦੀ ਬਹੁਰੰਗੀ ਰਾਜਸਥਾਨੀ ਪੱਗ (Multicolored Rajasthani Turban) ਪਹਿਨੀ ਹੈ। ਪੀਐਮ ਮੋਦੀ ਦੀ ਇਸ ਸਾਲ ਦੀ ਪਹਿਰਾਵੇ ਦੀ ਪਹਿਲੀ ਝਲਕ ਉਦੋਂ ਸਾਹਮਣੇ ਆਈ, ਜਦੋਂ ਪੀਐਮ ਮੋਦੀ ਗਣਤੰਤਰ ਦਿਵਸ ਪਰੇਡ ਤੋਂ ਪਹਿਲਾਂ ਵਾਰ ਮੈਮੋਰੀਅਲ ਪਹੁੰਚੇ। ਚਿੱਟੇ ਕੁੜਤੇ ਅਤੇ ਪੈਂਟ ਦੇ ਨਾਲ ਕਾਲਾ ਕੋਟ ਪਹਿਨੇ ਪੀਐਮ ਮੋਦੀ ਨੇ ਸਫੈਦ ਸਟੋਲ ਪਹਿਨਾ ਹੈ। ਕਾਲੇ ਅਤੇ ਚਿੱਟੇ ਪਹਿਰਾਵੇ ਵਿਚ ਇੱਕ ਲੰਬੀ ਪੂਛ ਵਾਲੀ ਬਹੁਰੰਗੀ ਪੱਗ ਨੇ ਉਨ੍ਹਾਂ ਦੀ ਸ਼ਾਨ ਵਿਚ ਵਾਧਾ ਕੀਤਾ ਹੈ। ਪਿਛਲੇ ਸਾਲ ਪੀਐਮ ਮੋਦੀ ਦੇ ਪਹਿਰਾਵੇ ਵਿੱਚ ਉੱਤਰਾਖੰਡ ਅਤੇ ਮਨੀਪੁਰ ਦੀ ਇੱਕ ਅਲੱਗ ਟਚ ਸੀ ਕਿਉਂਕਿਉਨ੍ਹਾਂ ਨੇ ਉੱਤਰਾਖੰਡ ਤੋਂ ਬ੍ਰਹਮਕਮਲ ਟੋਪੀ ਪਹਿਨੀ ਸੀ ਅਤੇ ਮਨੀਪੁਰ ਤੋਂ ਲੀਰਮ ਫੀ ਚੁਰਾਈ ਸੀ। ਸੁਤੰਤਰਤਾ ਦਿਵਸ ਅਤੇ ਗਣਤੰਤਰ ਦਿਵਸ ਦੇ ਦੋ ਮੌਕਿਆਂ ‘ਤੇ ਪੀਐਮ ਮੋਦੀ ਦੀ ਪਹਿਰਾਵੇ ਦੀ ਚੋਣ ਬਹੁਤ ਦਿਲਚਸਪੀ ਵਾਲੀ ਹੈ, ਹਾਲਾਂਕਿ ਪੀਐਮ ਮੋਦੀ ਹੋਰ ਮੌਕਿਆਂ ‘ਤੇ ਵੀ ਕਿਸੇ ਵਿਸ਼ੇਸ਼ ਕਬੀਲੇ ਜਾਂ ਖੇਤਰ ਦੇ ਰਵਾਇਤੀ ਕੱਪੜੇ ਪਹਿਨਦੇ ਹਨ।
2021 ਵਿੱਚ 72ਵੇਂ ਗਣਤੰਤਰ ਦਿਵਸ ‘ਤੇ ਪੀਐਮ ਮੋਦੀ ਨੇ ਰੈਡ ਕਲਰ ਦੀ ਬੰਨ੍ਹੀ ਹੋਈ ਟੋਪੀ ਪਹਿਨੀ ਸੀ, ਜੋ ਜਾਮਨਗਰ ਦੇ ਸ਼ਾਹੀ ਪਰਿਵਾਰ ਵੱਲੋਂ ਇੱਕ ਤੋਹਫ਼ਾ ਸੀ। 2020 ਵਿੱਚ ਪੀਐਮ ਮੋਦੀ ਨੇ ਭਗਵਾ ਬੰਧੇਜ ਟੋਪੀ ਪਹਿਨੀ ਸੀ। ਨਰਿੰਦਰ ਮੋਦੀ ਹਮੇਸ਼ਾ ਕੁਝ ਵੱਖਰਾ ਪਹਿਨਣ ਲਈ ਜਾਣੇ ਜਾਂਦੇ ਹਨ। 2022 ਦੇ ਸੁਤੰਤਰਤਾ ਦਿਵਸ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪੱਗ ‘ਚ ਤਿਰੰਗੇ ਦੀ ਝਲਕ ਦੇਖਣ ਨੂੰ ਮਿਲੀ। ਭਗਵੇਂ, ਚਿੱਟੇ ਅਤੇ ਹਰੇ ਰੰਗ ਦੀ ਇਹ ਦਸਤਾਰ ਖਿੱਚ ਦਾ ਕੇਂਦਰ ਰਹੀ। ਇਸ ਵਾਰ ਉਸ ਨੇ ਖਾਸ ਬਹੁਰੰਗੀ ਰਾਜਸਥਾਨੀ ਪੱਗ ਨਾਲ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ। ਇਸ ਤੋਂ ਪਹਿਲਾਂ ਸਾਲ 2022 ਦੇ ਗਣਤੰਤਰ ਦਿਵਸ ‘ਤੇ ਉਨ੍ਹਾਂ ਨੇ ਉੱਤਰਾਖੰਡ ਦੀ ਬ੍ਰਹਮਕਮਲ ਟੋਪੀ ਪਹਿਨੀ ਸੀ।
