ਪਾਣੀਪਤ, 5 ਅਕਤੂਬਰ। ਉਦੈਪੁਰ ਵਿਖੇ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲੇ ਵੱਲੋਂ ਆਯੋਜਿਤ ਪੈਟਰੋਲੀਅਮ ਰਾਜਭਾਸ਼ਾ ਸੰਮੇਲਨ–2026 ਵਿੱਚ ਰਾਜਭਾਸ਼ਾ ਹਿੰਦੀ ਦੇ ਪ੍ਰਭਾਵਸ਼ਾਲੀ ਲਾਗੂਕਰਨ, ਪ੍ਰਚਾਰ-ਪ੍ਰਸਾਰ ਅਤੇ ਦਫ਼ਤਰੀ ਕੰਮਕਾਜ ਵਿੱਚ ਹਿੰਦੀ ਦੀ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਦੀ ਦਿਸ਼ਾ ਵਿੱਚ ਉਲੇਖਣਯੋਗ ਯੋਗਦਾਨ ਲਈ ਪਾਣੀਪਤ ਰਿਫਾਈਨਰੀ ਅਤੇ ਪੈਟਰੋਕੈਮੀਕਲ ਕੰਪਲੈਕਸ ਦੇ ਕਾਰਜਕਾਰੀ ਨਿਰਦੇਸ਼ਕ ਅਤੇ ਰਿਫਾਈਨਰੀ ਮੁਖੀ ਸ੍ਰੀ ਐੱਮ. ਐੱਲ. ਡਹਾਰੀਆ ਨੂੰ ਸਨਮਾਨਿਤ ਕੀਤਾ ਗਿਆ।
ਸੰਮੇਲਨ ਵਿੱਚ ਮੁੱਖ ਮਹਿਮਾਨ ਪਦਮਸ਼੍ਰੀ ਸ੍ਰੀਮਤੀ ਮਾਲਿਨੀ ਅਵਸਥੀ, ਪੈਟਰੋਲੀਅਮ ਮੰਤਰਾਲੇ ਦੇ ਸੰਯੁਕਤ ਸਕੱਤਰ (ਸਧਾਰਨ ਅਤੇ ਰਾਜਭਾਸ਼ਾ) ਸ੍ਰੀ ਰੋਹਿਤ ਮਾਥੁਰ, ਆਇਲ ਇੰਡੀਆ ਲਿਮਟਿਡ ਦੇ ਨਿਰਦੇਸ਼ਕ (ਮਾਨਵ ਸੰਸਾਧਨ) ਡਾ. ਅੰਕੁਰ ਬਰੂਆ, ਹਿੰਦੁਸਤਾਨ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ ਦੇ ਕਾਰਜਕਾਰੀ ਨਿਰਦੇਸ਼ਕ (ਮਾਨਵ ਸੰਸਾਧਨ) ਡਾ. ਵਿਲਾਸ ਝੋੜੇ, ਮੰਤਰਾਲੇ ਦੀ ਉਪਨਿਰਦੇਸ਼ਕ (ਰਾਜਭਾਸ਼ਾ) ਡਾ. ਜੋਤੀ ਮਿਸ਼ਰਾ ਅਤੇ ਭਾਰਤ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ ਦੇ ਪ੍ਰਸ਼ਾਸਨ ਮੁਖੀ ਸ੍ਰੀ ਮਿਲਿੰਦ ਐੱਮ. ਲਾਭਾਨੇ ਸਮੇਤ ਹੋਰ ਸੀਨੀਅਰ ਅਧਿਕਾਰੀ ਹਾਜ਼ਰ ਸਨ।
ਸ੍ਰੀ ਡਹਾਰੀਆ ਦੀ ਪ੍ਰਧਾਨਗੀ ਹੇਠ ਪਾਣੀਪਤ ਨਗਰ ਰਾਜਭਾਸ਼ਾ ਕਾਰਜਾਨਵੈਨ ਕਮੇਟੀ (ਨਰਾਕਾਸ) ਵੱਲੋਂ ਰਾਜਭਾਸ਼ਾ ਹਿੰਦੀ ਦੇ ਪ੍ਰਚਾਰ-ਪ੍ਰਸਾਰ ਲਈ ਉਲੇਖਣਯੋਗ ਕਾਰਜ ਕੀਤੇ ਗਏ ਹਨ। ਉਨ੍ਹਾਂ ਦੀ ਅਗਵਾਈ ਹੇਠ ਪਾਣੀਪਤ ਨਰਾਕਾਸ ਨੇ ਰਾਜਭਾਸ਼ਾ ਦੇ ਪ੍ਰਭਾਵਸ਼ਾਲੀ ਲਾਗੂਕਰਨ ਦੇ ਖੇਤਰ ਵਿੱਚ ਨਵੀਆਂ ਉਚਾਈਆਂ ਹਾਸਲ ਕੀਤੀਆਂ ਹਨ। ਇਸੇ ਉਲੇਖਣਯੋਗ ਯੋਗਦਾਨ ਲਈ ਮੰਤਰਾਲੇ ਵੱਲੋਂ ਸ੍ਰੀ ਡਹਾਰੀਆ ਨੂੰ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨ ਪਾਣੀਪਤ ਰਿਫਾਈਨਰੀ ਅਤੇ ਨਰਾਕਾਸ, ਪਾਣੀਪਤ ਦੀ ਰਾਜਭਾਸ਼ਾ ਹਿੰਦੀ ਪ੍ਰਤੀ ਵਚਨਬੱਧਤਾ ਅਤੇ ਨਿਰੰਤਰ ਯਤਨਾਂ ਦਾ ਮਾਣਮੱਤਾ ਪ੍ਰਮਾਣ ਹੈ।
